memoo4ever
اهلا بيك فى المنتدى
انت لسة مسجلتش ؟؟
يلا روح سجل بسرعة و تعالى معانا فى احلى منتدى
بس متخليش المنتدى يشغلك عن الصلاة او اى حاجات تانية
و شكرا ........

ازاى تتعاملى مع خطيبك ؟؟؟

استعرض الموضوع السابق استعرض الموضوع التالي اذهب الى الأسفل

ازاى تتعاملى مع خطيبك ؟؟؟

مُساهمة من طرف ♥sOsO♥ في الثلاثاء يونيو 29, 2010 11:44 pm

طبعا
مش محتاجة حد يقولك إن من المفروض إن أيام الخطوبة تكون أحلى أيام بتعيشها
أي بنت.. بس أكيد بعد ما اتخطبتي لقيتي الحياة مش زي ما سمعت.. ولقيتي
نفسك على طول متوترة وأعصابك تعبانة.. عمالة تفكري في ميت حاجة وحاجة.. ده
بالإضافة إلى إنك مش عارفة ازاي تتعاملي مع خطيبك.. وكل شوية خناقات
وخلافات بينكم.. بسبب، ومن غير سبب...

واللي زاد وغطى كمان..
الخلافات اللي ممكن تحصل بين خطيبك وأهلك، أو بينك إنت وبين أهل خطيبك..
والخلافات دي أكيد بيكون لها تأثير كبير ، وبتخلي الأيام الحلوة دي تضيع
في خناق وعتاب وكلام فاضي...


طيب تعالي نفكّر مع بعض، ونشوف إيه السبب في ده كله...


فكّرتِ!!!


شوفي
يا قمر.. السبب في كل اللي إنت حاسة بيه ده هو اختلاف طباع كل واحد عن
التاني، وإن كل واحد مش عارف ازاي يقرّب من الطرف التاني ويفهمه صح..
علشان كده هاقولك دلوقتي على الأساسيات اللي تقدري من خلالها إنك تتعاملي
مع خطيبك علشان تكسبي حبه ليكي..
نشوف الأساسيات دي مع بعض

_ _ _ _ _ _ _ _ _ _ _ _ _ _ _ _

الأساس الأول

القبول

ده
أول أساس لازم تقوم عليه العلاقة بين أي اتنين مخطوبين.. هو إنه يكون فيه
قبول بينك وبينه.. والقبول ده بيكون من حيث الشكل والدم، ولا يوجد ما
ينفّرك منه أو ينفره منك..


الأساس الثاني

خليكِ رقيقة

لازم
كل بنت تكون رقيقة في تصرفاتها مع خطيبها، ومش قصدي هنا الرقة المصطنعة..
لأ طبعاً.. قصدي إنك تتعاملي معاه على طبيعتك وبأسلوبك الحلو اللي يخليه
يحس إنك أحلى إنسانة في الدنيا، وطبعا من غير تكلف أو كدب.


الأساس الثالث

افتحي مجالات للكلام

خليكِ
ذكية وافتحي مع خطيبك مجالات للكلام؛ حتى لو الكلام البسيط زي مثلاً إنك
تقولي له على الحاجات اللي بتحبيها، وتسأليه هو كمان بيحبّ إيه.. ومش عيب
إنك تتكلمي معاه عن حياتك أيام الدراسة.. عن إيه اللي حققتيه في حياتك قبل
ما ترتبطي بيه.. وإيه اللي نفسك تحققيه بعد كده.. إيه الحاجات اللي
بتفرَّحك.. وإيه الحاجات اللي بتضايقك.


وخليه هو كمان يتكلم عن
نفس الموضوعات دي، واسمعي كلامه كويس، وركزي فيه.. وعلى فكرة الموضوعات دي
بالرغم من إنها بسيطة إلا إنها هتفتح مجالات تانية للكلام.. وهتخلي كل طرف
يتعرف على وجهة نظر الطرف التاني في الحياة.


وكمان هيعرف إيه الحاجات اللي بيحبها الطرف التاني ويعملها.. وإيه اللي بيكرهها وبتضايقه علشان يتجنبها.


الأساس الرابع

احترمي رأيه

احترمي
رأي خطيبك في أي حاجة يقولها، واوعي تسخري من كلامه حتى لو إنت شايفة إن
كلامه كده سطحي ومش عاجبك.. اسمعيه للآخر وشوفي وجهة نظره إيه، وحاولي
بأسلوب هادي إنك تقنعيه بوجهة نظرك.


الأساس الخامس

احترمي صراحته

لو خطيبك صرّح لك بحاجة محدش يعرفها غيرك، زي مثلا إنه اتكلم معاكي عن إمكانياته المادية احترمي صراحته دي.. واقفي جنبه.



الأساس السادس

محدش كامل

خليكِ
دايماً حاطة قدامك القاعدة دي وهي: "إن مفيش حد كامل، وإن الكمال لله
وحده".. يعني صعب جداً إنك تلاقي خطيبك مفيهوش عيوب.. أكيد لازم يكون فيه
عيوب.. بس إنت خليكي ذكية.. وشوفي يا ترى العيوب دي مقبولة ولا لأ.. لو
كانت مقبولة وهتقدري تستحمليها يبقى مفيش مشكلة..


الأساس السابع

حاولي تغيريه

والأساس ده مرتبط بالأساس الرابع، يعني شوفي إيه العيوب اللي في خطيبك وحاولي إنك تغيريها للأحسن بس طبعا بأسلوب حلو ومن غير ما يحس.

زي
مثلا.. لو كان لِبسُه مش شيك يبقى حاولي بالراحة إنك تغيري العيب ده بإنك
تنتهزي أي مناسبة وتجيبي له مثلاً قميص شيك وتقولي له: إن الموديل ده
بيخلّيه أحسن من الموديلات التانية اللي بيلبسها.. ويا ريت يحاول إنه يغير
للموديلات الجديدة دي...


الأساس الثامن

بلاش حد يدخل بينكم


شوفي
يا قمر.. علشان العلاقة بين أي اتنين تنجح يبقى محدش يدخل بينكم خصوصا
الأصدقاء.. وأي خلاف بينكم حاولوا إنكم تحلوه بينكم وبين بعض.

واوعي تقارني بين خطيبك وخطيب واحدة صاحبتك أو خطيب أختك.. خليكِ عارفة إن كل واحد بيختلف عن التاني، وكل واحد وليه ظروفه.


الأساس التاسع

قرّبي من أسرته

يا
ريت تحترمي أسرته، وتحاولي إنك تقريي منهم، وتكوني صديقة ليهم، وتنتهزي أي
مناسبة وتزوريهم، ومفيش مانع من إنك تاخدي معاكِ هدية شيك؛ لأن دي هتخلي
مامته تحبك، وده اللي احنا عايزينه.



الأساس العاشر

بلاش نتكلم في الماضي


بلاش
تتكلمي عن حياتك العاطفية في الماضي قبل ما ترتبطي بيه، ولا تسأليه هو
كمان عن حياته العاطفية قبل ما يرتبط بيكِ، وكل واحد ينسى اللي فات في
حياته، ويبدأ صفحة جديدة.. دي حاجة.. ولو عايزين تتكلموا في اللي فات يبقى
الكلام يتفتح مرة واحدة بس، ويكون من غير تفاصيل كتير.


دي كانت شوية حاجات بسيطة
يا ريت تمشي عليها....

_____________________________________________

avatar
♥sOsO♥
عضو ماسى
عضو ماسى

عدد المساهمات : 863
تاريخ التسجيل : 20/06/2010
العمر : 23
الموقع : فى الجنة حيث لا يوجد حزن ولا آلام ..مجرد السعادة للأبد

الرجوع الى أعلى الصفحة اذهب الى الأسفل

رد: ازاى تتعاملى مع خطيبك ؟؟؟

مُساهمة من طرف GoGo في الأربعاء يونيو 30, 2010 3:23 am

هههههههههههههههههه
تسلم ايدك يا سوسو
كااااااااامد
avatar
GoGo
مشرفة عامة
مشرفة عامة

عدد المساهمات : 929
تاريخ التسجيل : 20/06/2010
العمر : 23
الموقع : في عالم غريب وحيييييدة

الرجوع الى أعلى الصفحة اذهب الى الأسفل

رد: ازاى تتعاملى مع خطيبك ؟؟؟

مُساهمة من طرف ♥sOsO♥ في الأربعاء يونيو 30, 2010 5:45 pm

نورتى يا جوجو

و شكرا على المرور

_____________________________________________

avatar
♥sOsO♥
عضو ماسى
عضو ماسى

عدد المساهمات : 863
تاريخ التسجيل : 20/06/2010
العمر : 23
الموقع : فى الجنة حيث لا يوجد حزن ولا آلام ..مجرد السعادة للأبد

الرجوع الى أعلى الصفحة اذهب الى الأسفل

رد: ازاى تتعاملى مع خطيبك ؟؟؟

مُساهمة من طرف mema في الأربعاء يوليو 07, 2010 8:54 pm

تسلمى ياااقمر على النصائح
avatar
mema
عضو جديد
عضو جديد

عدد المساهمات : 79
تاريخ التسجيل : 29/06/2010

الرجوع الى أعلى الصفحة اذهب الى الأسفل

رد: ازاى تتعاملى مع خطيبك ؟؟؟

مُساهمة من طرف Killing Eyes في السبت يوليو 10, 2010 2:59 am

جاااااااااامد يا سوسو

ايوة كدة
مش زى ناااااااااااااس
عايزة تعكنن علينا
avatar
Killing Eyes
عضو نشيط
عضو نشيط

عدد المساهمات : 178
تاريخ التسجيل : 23/06/2010
العمر : 26

الرجوع الى أعلى الصفحة اذهب الى الأسفل

رد: ازاى تتعاملى مع خطيبك ؟؟؟

مُساهمة من طرف ???? في السبت يوليو 10, 2010 2:13 pm

كل دة علشان الخطوبة امال في الجواز هيبقي ايه علشان كدة نسبة العنوسة زادت كتير اوي .تسلم ايدك يا قمر وعقابلكم لما نفرح بيكم شكرا وتقبلي مروري

????
زائر


الرجوع الى أعلى الصفحة اذهب الى الأسفل

رد: ازاى تتعاملى مع خطيبك ؟؟؟

مُساهمة من طرف ♥sOsO♥ في الإثنين يوليو 12, 2010 7:10 pm

mema كتب:تسلمى ياااقمر على النصائح


منورة يا قمر

_____________________________________________

avatar
♥sOsO♥
عضو ماسى
عضو ماسى

عدد المساهمات : 863
تاريخ التسجيل : 20/06/2010
العمر : 23
الموقع : فى الجنة حيث لا يوجد حزن ولا آلام ..مجرد السعادة للأبد

الرجوع الى أعلى الصفحة اذهب الى الأسفل

رد: ازاى تتعاملى مع خطيبك ؟؟؟

مُساهمة من طرف ♥sOsO♥ في الإثنين يوليو 12, 2010 7:12 pm

Killing Eyes كتب:جاااااااااامد يا سوسو

ايوة كدة
مش زى ناااااااااااااس
عايزة تعكنن علينا

شفت

اى خدمة يا عم

بس لو لقيت واحدة تعمل الكلام ده كلللللللللللللله


ابقى قابلنى
ههههههههههههههههه


و اشمعنا انتوا مش تعملوا اى حاكة لينا؟

ال يعنى انتوا الغلابة
هه حجج فارغة


_____________________________________________

avatar
♥sOsO♥
عضو ماسى
عضو ماسى

عدد المساهمات : 863
تاريخ التسجيل : 20/06/2010
العمر : 23
الموقع : فى الجنة حيث لا يوجد حزن ولا آلام ..مجرد السعادة للأبد

الرجوع الى أعلى الصفحة اذهب الى الأسفل

رد: ازاى تتعاملى مع خطيبك ؟؟؟

مُساهمة من طرف ♥sOsO♥ في الإثنين يوليو 12, 2010 7:13 pm

بلبل العاطفى كتب:كل دة علشان الخطوبة امال في الجواز هيبقي ايه علشان كدة نسبة العنوسة زادت كتير اوي .تسلم ايدك يا قمر وعقابلكم لما نفرح بيكم شكرا وتقبلي مروري



منور يا بلبل

و شكرا على المرور

بس العنوسة كترت عشان البطالة كترت و الناس مش لاقية اى فلوس تتجوز بيها


_____________________________________________

avatar
♥sOsO♥
عضو ماسى
عضو ماسى

عدد المساهمات : 863
تاريخ التسجيل : 20/06/2010
العمر : 23
الموقع : فى الجنة حيث لا يوجد حزن ولا آلام ..مجرد السعادة للأبد

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى