*على هامش الاذاعة*

من طرف **♥sOsO♥** السبت يونيو 26, 2010 5:20 pm

[b]ندخل فى قصتنا مباشرة وأعرفكوا الأول بأبطال القصة

1- بيبو
2- توتي
3- ماحميحو

كل الحكاية وما فيها إن أنا والشلة الجامدة اللى فوق دى كنا فى فصل واحد يعنى من الاخر كنا خاربنها

المهم مدرس الفصل دخل فى يوم من الأيام وطلب مننا إن احنا الأربعة نشارك فى الأذاعة المدرسية (والمشاركة اجبارى )

كل واحد مننا خد دور سريع كدة العبد لله قالهم انا مش هتفذلك أنا اللى هقدم

نيجى بقى للمعلمين التلاتة التانين ههههههه

توتي قالت انا هقول اخر الاخبار ( مثقفة من يومها )

اما محاميحو قال انا هقول حتة شعر إنما إيه من تأليفى (يا خوفى من تأليفك) ده بيكتب اسمه بالعافية وشكله هيودينا فى داهية

اما البرنس بيبو قال سيبونا ناخد فرصتنا أنا هقول شوية أمثال

تسيب للواحد بصمة فى المدرسة ( بصمة ماشى يا عم )

وجه اليوم وتـعـ،ــالوا نشــ،ــوف إيه اللى حصل

الحمد لله دورى مفيهوش مشاكل عدى على خير

تعالوا نشوف المعلمة توتي وفقرة الأخبار

الأخبــــــــار

1- تأكد غياب الشمندى (نجم خط دفاع المنتخب)عن لقاء
الفريق مع نظيره الأرجنتينى وذلك لتزامن ميعاد المبارة مع موسم جنى القطن
!!
2- (واجب عزاء ) وفاة والدة مدرس التاريخ بالمدرسة المجاورة والدفنة
اليوم بعد مسلسل كفر عسكر !!!
3- صدور اخر البومات المطرب الشعبى
الشهير أسامة الجاحظ

طبعا الحاجة توتي لسه ما كملتش الاخبار ولقت نظرة صارمة من الست الناظرة وقالتلها دورك انتهى واسبقينى على حجرة المدير ههههه

اما المعلم محاميحو قولتله واد يا محمح ايه اخبار الشعر شكلك هتودينا ف
داهية زى توتي قالى ماتخافش انا مظبط قولتله ربنا يستر وبدأ المعلم يعيش
مع نفسه

الشعــــــــر

شبشـــب حمـــامى اتســـــرق
شبشب حمامى اتسرق
ومسحت دمعى بمنديل ورق
وكنت خايف وكلى قلق
وهقولها تانى على الملأ
شبشب حمامى اتسرق
ومش انا اللى شبشبى ينسرق
وقلبى عليه ينحرق
شبشبى كان ماركة البطريق
وكنت بمشى بيه فى اى طريق
شبشب حمامى اتسرق
وتارى وهاخده بايديا
علشان شبشبى غالى عليا
ومش هقبل من حد دية
علشان ما أطمعش حد فيا
بالسلاح هاخد تارى
حتى ولو كان من جارى
شبشب وارثه من جدودى
هيثم ومودى وبودى
مش ممكن اضيع مجهود جدودى
وخاصة جدى بودى
شبشب حمامى اتسرق

هههههه بمجرد ما المعلم خلص القصيدة لقى قفا محترم نازل عليه

وقاله عارف زميلتك راحت فين وراها يا حبوب علشان نشوف شبشبك اللى اتسرق ده هههه

وسع للكبير اوووى بيبو جهزت الامثال يا بيبو

قالى كله فى الكليتش هههه (صايع اوى الواد ده هههه)

وبدأ المعلم يسمعنا حكمه وامثاله

الأمثـــــال

1- جرى الحمار طول النهار يجيبه
الباجور فى ساعة
2- عاكس الوحشة ينوبك فيها
ثواب

هههه وكالعادة المعلم ده بقى لسه ما خلصش فقرته ولقينا نفسنا بالكامل فى حجرة المدير واجتماع مغلق اسفر عن

1_ فصل توتى اسبوع عشان تروح
العزا بتاع والده مدرس التاريخ

2_فصل محاميو اسبوعين عشان يدور على شبشب الحمام يدور على كل فرده فى
اسبوع عشان يدور بمزاج
3_فصل بيبو يومين عشان يعاكس براحته

يا رب تعجبكم
[/b]